Walo ka tuig human sa maduguong Marawi Siege, karong kalag kalagh ang paghandom sa kabayanihan sa mga sundalo ug pulis nga misakripisyo sa ilang kinabuhi aron mahibalik ang kalinaw sa dakbayan.
Didto sa Heroes’ Cemetery sa Taguig City, ang mga pamilya sa mga nangamatay sa gubat naghalad og mga pag-ampo ug mga bulak isip timaan sa ilang pagtahod ug walay kataposang paghandom.
Ang Marawi Heroes Memorial, nga giinagurahan ni kanhi Presidente Rodrigo Duterte niadtong 2017, gitukod sa maong dapit isip pag-ila sa mga sakripisyo sa mga tropa sa gobyerno nga nakig-away batok sa mga rebeldeng Maute nga inspirado sa ISIS.
Ang monumento, nga gipundohan sa P12 milyones nga donasyon gikan sa Tabang Malasakit Foundation Inc., adunay pylon ug mural nga naghulagway sa kaisog ug pagkamaunongon sa mga bayani sa Marawi.
Matag kalag kalag , dili lang ang handumanan sa ilang mga minahal sa kinabuhi ang mahinumdoman, apil na ang kabayanihan nga naghatag paglaom ug kalinaw sa nasod.
Nagsugod ang lima ka bulan nga panagsangka niadtong Mayo 2017, nga mikalas og kapin sa 1,000 ka kinabuhi ug nagbilin ug dalan sa pagkagun-ob sa Marawi City.
Taliwala sa kagubot, gideklarar ni Duterte ang martial law sa tibuok Mindanao aron pugngan ang hulga sa terorismo.
Karon, sa matag kandila ug bulak nga gihalad, gipahinumdoman sa mga Pilipino ang kabayanihan sa mga gitawag nga Bayani sa Marawi, ang mga manggugubat nga misakripisyo sa ilang kinabuhi aron ang kahayag modan-ag pag-usab taliwala sa kangitngit.
