Mga senior citizens sunod nga bakunahan batok sa COVID 19

GENERAL SANTOS CITY – Sunod nga priority nga mabakunahan ang mga senior citizens.

Kini ang pamahayag ni Arjhon Gangoso, tigpamaba sa Department of Health 12.

Matud niini, adunay alokasyon nga bakuna ang Region-12 alang sa uban pang mga anaa sa priority list nga mabakunahan.

Apan ang maong dugang alokasyon sa bakuna alang sa ikaduhang batch nga mabakunahan ang wala pa masayran ku ng kanus-a moabot.

Gibutyag ni Gangoso nga gapaningkamot ang gobyerno nga maka-secure og bakuna aron nga maturukan ang mga katawhan.

Samtang sa pamahayag sa nasampit nga nagpadayun ang second dose nga pagbakuna sa unang mga gibakunahan nga mga healthcare workers sa 23- COVID-19 referral hospitals sa region-12.