GENERAL SANTOS CITY – Mitaas ang ihap sa mga pulis nga gireklamo ug economic abuse basi sa talaan sa Internal Affairs Service(IAS) sa Police Regional Office(PRO) 12.
Matud ni Atty. Richard Opinion ang labaw sa IAS nga ang naasoy’ng pagpangabuso ang dili paghatag ug sustento sa pamilya.
Gani mitala sa 40 porsyento ang pagsaka niini basi sa gihuptan nga data.
Apan gibutyag ni Atty. Opinion nga sa rehiyon dose panagsa lamang ang adunay susamang reklamo tungod ila dayon nga resolbahon pinaagi sa pagpaatubang sa magtiayon.
Nagtuo hinuon ang opisyal nga sagad gireklamo kadtong nagkaproblema ang pamilya ug nagkabulag hinungdan nga misangko sa pagreklamo.
Kahinumduman nga gidoble ni Pangulong Rodrigo Duterte ang sweldo sa kapulisan hinungdan nga dili katuhuan nga magkulang pa ang kinitaan sa usa ka pulis.
