GENSAN- Gibutyag ni Atty. Rey Cartojano nga ang mga mosalmot sa protesta gilauman nga mapadayag ang ilang katungod sa Freedom of Speech pinaagi sa malinawon ug organisadong pagpadayag sa ilang pagkadismaya sa mga isyu sa nasud.
Gipasiugda niya nga importante nga ang mga muapil nga makatabang sa pagpresyur sa gobyerno aron mapadali ug mapalawom ang mga imbestigasyon nga giatubang sa nasud.
Bisan pa man sa mga lakang sa gobyerno sama sa pagtukod og independent commissions ug mga investigative bodies, gikinahanglan gihapon ang aktibong partisipasyon sa publiko aron ang proseso mahimong epektibo ug adunay klarong resulta.
Sa pagkakaron, ang mga katawhan nagabantay ug naghulat sa mga resulta sa imbestigasyon, ug ang protesta usa ka porma sa pagpaabot sa ilang tingog ug pagpakita sa ilang suporta sa pagkab-ot sa hustisya ug pag-angkon og transparency sa imbestigasyon.
