GENERAL SANTOS CITY – Subli nga giila ang mga dekalibreng programa sa Bombo Radyo Philippines sa gipahigayong virtual 42nd Catholic Mass Media Awards (CMMA).
Midaog isip Best News Feature ang Top of the Hour News sa Star FM Roxas.
Samtang nakadawat og Special Citation isip Best Counseling Program ang Kahapon Lamang sa Bombo Radyo Iloilo,
Aduna usab Special Citation ang Bombo News and Views AM Edition sa Bombo Radyo Koronadal.
Una niini, miabot sa 13 nga mga programa sa Bombo Radyo Philippines ang giila isip finalists sa nasampit nga gawad parangal.
Ang prestihiyosong Catholic Mass Media Awards gilusad sa namatay na nga si Manila Archbishop Jaime Cardinal Sin kaniadtong 1978.
Giila sa mga programa gikan sa nagkadaiyang natad sa media nga nagduso og basic human values susama sa paghigugma sa Diyos, respeto sa kinaiyahan, pag-angkon ug positibong kinaiya sa mga Pilipino og naghatag og bili sa kinabuhi.
Ang uban pa nga mga programa sa Bombo Radyo Philippines nga naapil isip mga finalists mao ang Best Inspirational Song: Walang Iwanan by Toto Sorioso/ Bombo Radyo Philippines, Best News Feature: Bombo Special Report sa DYFM Bombo Radyo Iloilo, Best News Feature: Pista ng Itim na Nazareno sa 102.7 Star FM Manila.
Samtang Best News Feature: People Living With Hope sa 102.7 Star FM Manila, Best News Feature: Feast of Saint Lorenzo Ruiz of Bombo Radyo Baguio, Best Public Service Program: Bombo Lifestyle sa Bombo Radyo Iloilo, Best Counseling Program: Recuerdos dela Vida sa Bombo Radyo Tuguegarao, Best Counseling Program: Kahapon Lamang sa Bombo Radyo Bacolod, Best News Commentary: Bombo Hanay Bigtime sa Bombo Radyo Baguio, og Best News Program: Bombo News and Views Afternoon Edition sa Bombo Radyo Tacloban
