GENERAL SANTOS CITY – Halos tanang lugar sa Myanmar ang may gapahigayon og lihok protesta batok sa kasamtangang gobyerno.
Matud pa ni Jonax Basit, usa ka negosyante sa Myanmar nga taga Alegria, Alabel Sarangani Province apan didto karon sa Myanmar nga gasalmot sa lihok protesta ang nagkadaiyang estado sa kinabuhi, may pobre og may datu usab aroan nga ipasibaw ang ilang mga mulo batok sa military junta.
Gipanawagan usab nga buhian na si Aung San Suu Kyi.
Dugang pa ni Basit nga kalmado kung magpahigayon og lihok protesta ang mga katawhan sa Myanmar kung asa walay natigayong pagpanunog o pag-atake sa mga otoridad.
Apan giangkon niini nga wala pa sila masayod kung unsa pa ang mahitabo sa musunod nga mga adlaw kung asa nabalaka sila sa sitwasyon.
Sa iyang pamahayag nga migamit ang mga kapulisan og water cannon aron papahawaon ang mga protesters.
Una niini, gipahimangnuan sa mga kapulisan sa Myanmar ang mga protester nga mapugos silang mugamit og kusog og makasuhan ang mga nasampit.
