GENERAL SANTOS CITY – Gidagsa sa mga tawo ang Antonio C. Acharan Memorial Park; ang isa sa labing dako nga sementeryo sa dakbayan sa Heneral Santos kahapong adlawa petsa 1, sa bulan sa Nobyembre, unang adlaw sa pagsaulog ug kalag-kalag ning tuiga.
Samtang karong adlawa gituohan nga dili kaayo daghan ang mga tawo nga muadto sa sementeryo susama kagahapong adlawa gumikan kay ang uban may trabaho na.
Sa gawas sa maong sementeryo, nakahelera ang mga nakalain laing baligya sama sa bulak, kandila, pagkaon, tubig ug uban pa.
Nahimong hapsay ang pagpahigayon sa maong kasaulogan sa ACAMP tungod sa tabang ug presensya sa mga otoridad.
Pag abot sa gate, hugot ang pagpatuman sa pag check ug gamit sa mga otoridad nga nakabase sa Guidelines nga gipagawas sa lokal nga panggamhanan sa dakbayan sa General Santos.
Apan padayon sa gihapon ang hugot nga pagpahimangno sa mga otoridad nga sundon lamang ang mga guidelines arun dili na maglisod sa padayon nga pagsaulog sa kalag-kalag dire sa dakbayan sa gensan.
Sa pikas bahin, padayon gihapon ang pahimangno sa lokal nga panggamhanan uban sa mga kapulisan ngadto sa tanang mobisita sa mga sam-ang ning syudad labi na sa Forest Lake nga sundon ang mga directional signages ug lane separator aron nga mamahimong nindot ug hn-ay ang dagan sa trapiko.
Kahibaloan nga Ang inner lane alang sa mga pasulod sa Forest Lake. Samtang ang outer lane alang sa mga moderetso pa-Polomolok-Marbel.
Padayong giawhag ang kooperasyon, pagsabot ug taas nga pasensya.
