GENERAL SANTOS CITY– Hugot ang pahimangno sa PNP Regional Anti Cybercrime Unit sa Region 12 sa mga online sellers nga dili mahimong mainiton ang ulo.
Matud pa ni P/SMsgt Edwin Arroyo sa RACU 12 nga daghan na sila nga nadawat nga reklamo kalabutan niini.
Sa iyang pamahayag nga ang mahitabo nga i-post sa seller ang hulagway sa nagsaad nga mupalit kaniya og may kalakip nga mensahe nga makadaut sa pagkatawo sa maong in dibidwal.
Sa iyang pamahayag nga pwede makasuhan og cyberlibel ang nagpost sa maong mensahe .
Pahimangno usab sa maong buhatan nga sa mga magkabanay o magsilingan nga nag-away gumikan sa utang og gipost ang hulagway sa nangutang sa social media kung asa didto gipakaulawan pwede usab makasuhan og cyberlibel.
Tungod niini hugot ang pahimangno sa kapulisan nga huna-hunaon pagmaayo ang unsang i-post sa social media.
