GENERAL SANTOS CITY – Gipahimangnoan ni Christian Mark Abarquez, labaw sa Business Permits and Licensing Division ang mga negosyante dinhi sa dakbayan sa dugang balaydunon kung pakyas nga magrenew sa ilang business permits.
Matud niini, kutob unyang alas 12:00 sa tungang gabie ang renewal online og kung dili makaapas sa deadline mamahimo gihapon sila makarenew sa ilang business permit apan sugod adlaw nga Lunes may bayaran na nga 25 percent nga surcharge sa total amount due ug may interest nga dos porsyento matag bulan.
Gibutyag sa opisyal, buot pa nila nga mahatagan ug extention ang online renewal human mihangyo sa Sanggunian Panlungsod apan hangtod karon wala silay nadawat nga kopya sa resolosyon aron mahimong pormal ang pagsibog sa Enero 20 nga deadline.
Sa ulahing adlaw sa pagproseso ug business permit dagsa sa buhatan sa BPLD sa Green Building sa City Hall ang mga gustong magproseso sa ilang business permit luyo nga online na ang renewal..
Nasayran nga target sa maong buhatan ang kapin 12,000 ka business permits nga ilang maisyuhan og business permit.
