Dul-an sa 1,400 ka mga indibidwal ang gidakop tungod sa paglapas sa election gun ban.
Sa datos nga gipagawas sa Philippine National Police (PNP) adunay 1,398 ka mga indibidwal hangtud Marso 1, nga ang labing daghang ang gikan sa National Capital Region (NCR) nga mukabat sa 419 ka mga indibidwal.
Sa ubang rehiyon, adunay 37 ka mga nasikop sa Ilocos Region, 43 sa Cagayan Valley, 207 sa Central Luzon, 106 sa Calabarzon, unom sa Mimaropa, 22 sa Bicol Region, 66 sa Western Visayas, 186 sa Central Visayas, 31 sa Eastern Visayas 33 sa Zamboanga Peninsula, ug 55 sa Northern Mindanao.
Adunay 69 ka mga nasikop sa Davao Region, 33 sa Soccsksargen, 25 sa Caraga, 38 sa Bangsamoro Autonomous Region in Muslim Mindanao (BARMM), ug 22 sa Cordillera Administrative Region (CAR).
