GENERAL SANTOS CITY – Mukabat sa 1,802 na ang ihap sa nakarekober sa coronavirus disease sa rehiyon dose, kini human ang padayon nga pagsaka sa ihap sa nauli-an sa makamatay nga sakit.
Base sa datos nga gipagawas sa Department of Health (DOH) 12 nga kagahapong adlawa Oktobre 27, 2020 nadugangan ug 34 ka mga indibidwal ang nangaayu kini gilangkuban sa 21 gikan sa GenSan, 5 gikan sa North Cotabato, 3 gikan sa Sarangani Province, ug upat sa South Cotabato.
Samtang nadugangan usab ang mga nagpositibo human mitala sa 2,578 ang total cases human nadugangan og 60 ka bag-ong kaso.
Labing daghan niini gikan sa South Cotabato nga 21 ka kaso, 18 gikan sa GenSan; 14 gikan sa Cotabato City; may tig-tulo ka kaso sa North Cotabato og Sarangani og 1 gikan sa Sultan Kudarat.
Sa kasamtangan aduna nay 697 ang aktibong kaso sa tibuok rehiyon samtang 78 ang namatay sa COVID-19.
