Giakusahan ni Vice President Sara Duterte ang kasamtangang administrasyon sa pagsunod sa parehong “playbook” nga gigamit batok sa gipalagpot nga si kanhi Negros Oriental 3rd District Rep. Arnolfo “Arnie” Teves Jr.
Kini human sa subpoena nga gi-isyu batok kaniya alang sa matod pa paglapas sa Anti-Terrorism Act.
Gihimo ni Duterte ang pahayag human magpagawas og subpoena ang National Bureau of Investigation (NBI) batok kaniya kalabotan sa matod pa mando sa pagpatay nga gihimo niya batok kang Pangulong Ferdinand Marcos Jr., First Lady Liza Marcos og Speaker Martin Romualdez.
Gibutyg ni VP Sara nga ang tumong sa administrasyon sa paggamit sa maong balaod batok kaniya aron sundugon ang gihimo nila kang Teves, nga giakusahan nga mipatay kang Gov. Roel Degamo.
Matod kang Duterte, lakip sa maong taktika ang pagkansela sa iyang pasaporte; pag-isyu og red notice batok kaniya aron limitahan ang iyang pagbiyahe sa ubang nasod; pag-freeze sa mga assets sa Anti-Money Laundering Council og pag-isyu og mga search warrant batok kanya.
