GENERAL SANTOS CITY – Gipaklaro ni Geraldine Zamora, licensing officer sa Business Permit and Licensing Division nga magsilbing tax credit ang nabayad nga mga penalties og surcharges sa mga negosyante nga nagrenew sa ilang business permit nga lagpas na sa miaging Enero 20,2023.
Matud pa niini nga kini human nga gilugwayan sa konseho ang renewal sa business permit.
Panawagan niya sa mga negosyante nga dili hulaton ang laing deadline una nga mag-asikaso sa business permit.
Nasayran nga 10,237 ang na-isyu nga permit sa syudad base sa labing ulahing report kung asa 109 ang bag-ong negosyo.
Gipaklaro pa niini nga hangtud karon mas daghan pa ang gaasikaso sa ilang business permit.
Matud pa niini nga daghan usab ang gusto nga magkuha og business permit apan dili mahatagan tungod walay occupancy og building permit ang gipatukod nga gambalay nga maoy usa sa mga rekositos aron mahatagan og business permit.
