GENERAL SANTOS CITY – Nagsugod na ang christmas break sa mga magtutudlo sa dakbayan sugod sa miaging Disyembre 12, 2020.
Matud pa ni GenSan Deped Supt. Romelito Flores nga ning semanaha nakapukos ang mga magtutudlo alang sa pag-atender ug webinar.
Sa iyang pamahayag nga bisan christmas break na apan bitbit gihapon sa mga magtutudlo ang ilang trabaho.
Mubalik ang mga nahisgutan sa Enero 3, 2021 og sa Enero 4, magsugod na second grading period.
Giangkon niini nga daghang hagit ang ilang nasinati-an panahon sa pandemya sama sa reproduction ug delivery sa mga modules.
Gani nagmugna ug spotters ang division aron maglantaw sa maayong resulta sa modules nga muagi sa supervisor una iimprenta og ipanghatag sa mga estudyante.
Tanan ang nabag-uhan sa delivery sa basic education mao nga napaandar ang pagka creative pagka initiative, resourcefulness ug pagpakita ug inisyatibu aron matubag ang epekto sa pandemic.
Matud niini nga duha ka matang sa module ang gihimo, usa ang gikan sa regional office samtang ang ikaduha gikan sa ilang buhatan nga muagi sa quality assurance ug monitoring officer.
Kahinumduman nga daghang balasahon sa DepEd ang nakitaan ug mga sayop nga gipiyestahan pa sa internet.
