GENERAL SANTOS CITY – Gitulod na ni Konsehal Dominador Lagare Jr. ang central business district ug kini ang lugar nga mahimong komon sa pagpangita ug pasahero sa syudad.
Gikan matud pa sa kanto sa Bula Police station paingon ngadto sa kanto usab sa Makar Police station ug mupadulong sa crossing Hadano highway ug pasulod sa Syudad hangtud sa Robinssons place ug paubos balik sa Bula Police station.
Matud ni Lagare ang nasulod sa maong lugar mao ang central business district.
Kini luyo sa unahay nga pagpalista nga ginapahigayon sa mga traysikel operator sa nagkadaiyang lider sa cluster aron makakuha ug slot sa prangkisa.
Subli nga nagpatawag ug tigum si Lagare kuyog asng taga DSWD ug Traffic Enforcement Unit sa kapulisan.
Subli nga gipahibnumdum ni Lagare nga hangtud na lamang sa Oktobre 21 ang deadline sa pagpalista sa mga cooperative .
Sa maong tigum gibutyag sa Konsehal nga kung mag activate na ang cluster kon color coding dali na lamang ipatuman ang fair matrix ug dili na unya magreklamo ang mga pasahero tungod may basihan naman ang pagpaningiul ug pasahe.
