Mga konsehal sa Gensan, ipailawom sa drug test

GENERAL SANTOS CITY -Gisugyot ni Kagawad Edmar Yumang pinaagi sa gipasa nga urgent resolution, nga angayang ipailawom sa drug test ang mga konsehal ning siyudad.

Kini human sa nanggawas nga taho nga upat ka mga konsehal sa dakbayan ang nakalip matud pa sa narco-list ni Pangulong Rodrigo Duterte, kung asa lakip matud pa siya, apan gikataw-an lamang nila kini ug hugtanong gipanghimakak.

Matud ni Yumang nga pinaagi sa maong lakang, masayran ug mapamatud-an nga wala nalambigit sa iligal nga droga ang mga miembro sa GenSan City Council.

Sa pahayag sa nasampit nga opisyal, gibutyag niini nga angayang limpyo ang mga opisyal sa iligal nga droga.

Sugyot pa ni Yumang nga himuon kini pinaagi sa supresa nga drug test.