Gibutyag ni Police Major Mark Gerald Norbe, Operations Officer sa Regional Anti-Cybercrime Unit 12 (RACCU-12), nga posible nga mga estudyante o mga menor de edad lamang ang anaa sa luyo sa pipila ka mga hulga nga gipang-post sa social media batok sa mga tulunghaan.
Matod ni Norbe, kini human nag-anunsyo ang pipila ka mga eskwelahan sa General Santos City nga mobalik na sa face-to-face classes.
Gisaysay ni Norbe nga aduna nay insidente diin adunay naghulga pinaagi sa social media nga bombahan ang usa ka tulunghaan aron mapugngan ang pagpahigayon sa klase.
Gipasalig usab sa opisyal sa RACCU-12 nga ilang i-locate ang mga suspek sa maong mga social media threats pinaagi sa ilang cybercrime investigation.
Nagpahinumdom usab si Norbe nga dili angay himuong binuang ang pag-post og mga hulga online tungod kay mahimo kining mosangpot sa seryosong kaso ubos sa balaod.
