GENERAL SANTOS CITY – Gibutangan sa lokal nga gobyerno og badge ang entrance sa mga establismento sa syudad nga gi-inspection kung nakasunod sa mga healthy protocols batok sa COVID 19.
Ang establismento nga may gold badge nagpasabot nga nakasunod sa tanang mga patakaran samtang kadtong nakaangkon og blue badge ang may kulang og ang pula nga badge daghang mga health protocols ang wala natuman.
Sa pamahayag ni Mayor Ronnel Rivera nga base usab kini sa kamanduan sa Department of Trade and Industry (DTI) lakip sa Department of Labor and Employment (DOLE) nga ang tumong aron maproteksyonan ang mga customers og mga empleyado batok sa COVID 19.
Gibutyag ni Mayor Rivera nga kadtong wala nagsunod sa patakaran ang hatagan og pito ka adlaw aron tumanon apan kung walay kausaban dili na i-renew ang business permit.
Giuna sa LGU GenSan sa pag-inspection kadtong mga dagko nga mga establismento og isunod ang mga gagmayng mga negosyo.
Kauban ni Mayor Rivera sa pag-inspection ang labaw sa Business and Licensing Division nga si Geraldine Zamora.
