GENERAL SANTOS CITY – Kagahapong adlawa pa lang, dagsa na ang mga namaligya ug palaspas, atubangan sa mga kasimbahanan dinhi sa dakbayan, alang sa pagsaulog sa Bendita Lukay karong adlawa.
Usa sa nakahinabi sa Bombo Radyo si Boy Patalon nga gikan pa sa Tampakan, South Cotabato, nga sukad 1980s pa nagsugod sa pagbaligya ug palaspas atubangan sa Our Lady of Peace and Good Voyage Church.
Sumala pa nga walo na sila ka mga magparyente nga ingon niini ang negosyo.
Sa iyang mga baligya nga palaspas, nagkantidad ug P60 ngadto P80 ang dagko, samtang P25 ngadto sa P30 ang gagmay.
Kahibaluan nga sa tradisyon sa mga kaigsuunang Katoliko, pabenditahan ang nasampit nga mga palaspas atul sa Bendita Lukay, ug dayon sagad nga ginatugsok sa mga kabalayan, hangtod sa sunod tuig nga subling pagsaulog niini.
Gawas sa mga gabaligya ug palaspas, midagsa usab ang mga gabaligya ug mga lana ug haplas nga matud pa makahatag ug proteksyon sa mga tawo ug depensa sa mga dautan.
