GENERAL SANTOS CITY – Okopado na sa mga COVID 19 positive ang mga hospital sa syudad gawas na lamang sa St Elizabeth hospital nga hapit na usab mapuno.
Gikumpirma ni Gensan Mayor Ronnel Rivera nga igo lang gisunod sa mga tigdumala sa hospital ang pagdawat sa mga pasyente tungod adunay balaud nga gipatuman ang Department of Health nga dili mubalibad kung adunay pasyente nga magpa admit.
Matud ni Mayor Rivera nga pipila ka hospital ang gamay lamang ang allocation alang sa mga COVID 19 patient apan gipaklaro nga giokopa kini sa mga residente gian sa Polomolok South Cotabato ug mga pasyente gikan sa Sultan Kudarat.
Lakip ang silingan nga probinsya nga Sarangani ang dinhi sa dakbayan gidala ang ilang mga pasyente.
Gipaklaro sa Mayor nga regular ang ilang meeting sa Philippine Medical Association aron pangitaan ug solosyon ang nahisgutang problema.
