Nakatakdang ipagawas sa Department of Public Works and Highways (DPWH) ang listahan sa mga ghost og substandard project sa nagkadaiyang bahin sa nasod.
Matud kay DPWH Sec. Vince Dizon, iapil sa maong listahan ang pangalan sa mga contractor sa proyekto, pangalan sa magbabalaud o public official mga proponent, og mga empleyado o opisyal sa DPWH nga mipirma sa mga naasoyng proyekto.
Gibutyag ni Dizon, gi finalize na sa DPWH ang listahan og plano sa ahensiya nga ilusad kini human ang pipila ka semana.
Target kining ablihan online kung asa mahimong ma-access sa publiko ang katibuk ang listahan.
Giklaro sa kalihim nga ang maong lakang kabahin sa kagustuhan niining ablihan sa publiko ang mga public infrastructure project nga natumbok nga adunay anomaliya.
Sa iyang pamahayag, ma ampingon nga Gina imbestigahan og ginasusi ang matag public infrastructure project nga ibutang sa listahan aron masigurong tama ang mga impormasyon og datus nga nakabutang sa project description og official project report.
Gisiguro usab ni Sec. Dizon nga ang mga ipagawas nga impormasyon sa maong listahan ang dili makaapekto sa ilang ginapasaka og ipasaka pang kaso batok sa mga contractor, DPWH employees, og uban pang adunay kalabotan sa flood control scandal.
Sumala sa kalihim, bisag daghang flood control project na ang maong listahan, sigurado nga madugangan pa kini samtang nagpadayon ang sunod sunod nga inspeksyon. Kining tanan ang ipagawas sa public isip transparency campaign sa ahensiya.
