GENERAL SANTOS CITY – Wala pay senyales nga mabalik sa normal ang sitwasyon sa karon sa Myanmar.
Matudpa kang Bombo international correspondent nga si Jonax Basit nga residente nga sa largest city nga Yangon adlaw-adlaw og ‘whole day’ ang protesta apan sa ubang lugar sa buntag lang mulihok ang mga demonstrador.
Matud pa, adunay gipahigayon nga ‘road blocking’ nga natigayon kung asa gibalandra sa mga katawhan ang mga sakyanan sa kadalanan aron dili makaagi ang mga sundalo paingon sa Yangon.
Mas bayolente karon ang paagi sa militar sa pagbungkag sa mga nagaprotesta tungod gawas sa water cannon migamit og tirador nga nagresulta nga adunay usa ka bata ang naigo ang mata.
Sumala pa ni Basit, kini ang rason nga misamot ang kasuko sa mga tawo kontra sa military junta.
Tungod sa kudeta og padayong protesta sa Myanmar walay ga-operate nga mga bangko hinungdan nga apektado ang tanan sama sa ilang factory.
Kalabot sa pagputol sa internet connection, gibutyag ni Basit nga ang purpose sa militar niini aron ma-block ang komunikasyon sa mga organizer sa lihok protesta apan luyo niini napangitaan gihapon og pamaagi sa mga nasampit.
