GENERAL SANTOS CITY – Halos siento porsyento na ang gihimong training sa mga atleta sa Region 12 alang sa Palarong Pambansa nga matigayon sa Antique sugod sa Abril 23 hangtod 29, 2017.
Matud ni Jojo Duhilag, ang DepEd 12 sports coordinator, nagpadayon ang pagbansay sa mga atleta didto sa south Cotabato.
Gibutyag sa opisyal nga sa Abril 15, adlaw nga Sabado ang biyahe sa mga nasampit paingon sa Cagayan de Oro kung asa bus ang sakyan samtang pag-abot sa maong lugar, adunay gahulat nga barko kanila aron maoy sakyan paingon sa Antique kung asa ipahigayon ang Palarong Pambansa.
Sa pahayag ni Duhilag nga dako ang tiyansa sa Region nga makasungkit ning tuiga ug daghang gold medal gumikan daghang mga atleta ang adunay potential sa ilang tagsa-tagsa ka sports event nga gisalmotan.
Gipasigarbo nila ang mga atleta sa billiard, baseball, boxing, taekwondo lakip na ang gymnastics.
Ang Palarong Pambansa ang gilangkoban sa mga student-athletes gikan sa 18 ka srehiyon sa nasud.
Kahibaluan nga sa miaging tuig nga Palarong pambansa didto sa Legazpi city, anaa sa 7th place ang Region 12 kon asa nakasungkit og 20 ka gold medal, 20 silver og 29 ang bronze medal.
