GENERAL SANTOS CITY – Naka-hospital arrest karon si Tampakan, South Cotabato Mayor Leonardo Escobillo.
Kini human gisulod sa kapulisan ang iyang pinuy-anan ug nakuha ang shotgun, AK-47 rifle, duha ka pistola ug mga bala.
Giangkon sa Mayor nga iya ang nahisgutang mga lisensiyadong pusil apan mibalibad nga dili iya ang duha ka carbine rifle nga nakuha sa iyang panimalay.
Walay nakuha nga illegal nga druga ang raiding team basi usab sa kamandu-an sa search warrant sa korte.
Una nang gibutyag sa mayor nga biktima lamang sa political harassment.
Kini human mihangyo pinaagi sa iyang abogado nga ipahiling ug ipa-ospital ang iyang kliyente human mitaas ang iyang presyon.
Ginasusi pa sa kapulisan kung may record sa Camp Crame ang armas nga nakuha sa balay sa nagpangalan ug Leonard Escobillo nga anak sa mayor.
