Nanawagan si City Mayor Lorelie Pacquiao sa katawhan sa Heneral Santos nga dili abusaran ang kasamtangang kahimtang nga nagkataas ang presyo sa mga palaliton.
Matud sa alkalde, importante nga magtinabangay ug magsinabtanay ang tanan ilabina sa panahon sa krisis aron malikayan ang pagpahimulos ug pag-abuso sa sitwasyon.
Gipasabot usab niya nga ang lokal nga kagamhanan padayon sa pagbantay sa presyo sa mga baligya sa merkado aron masiguro nga makatarunganon kini ug dili makapabug-at sa mga konsumidor.
Dugang pa niya, ang kooperasyon sa matag usa maoy yawe aron mapadayon ang kalig-on sa ekonomiya sa syudad ug maprotektahan ang kaayohan sa katawhan.
Ang City Mayor nag-awhag sa publiko nga magpakita og disiplina ug responsibilidad samtang ginaatubang ang hagit sa pagsaka sa presyo sa mga palaliton.
