Mayor Pacquiao miapila sa SP nga ipasa na ang hisgutanan kalabutan sa prangkisa sa tricycle

GENERAL SANTOS CITY – Miapila si Mayor Mayor Lorelie Pacquiao sa Sangguniang Panlungsod nga unta ipasa na ang hisgutanan kalabutan sa prangkisa sa tricycle.

Matud pa sa mayor nga dili na unta dugayon ang pagpasa gumikan ubay-ubay na sa mga tricycle ang expired ang ilang prangkisa.

Angayang mahatag na gayud sa mga tricycle ang ilang hangyo aron nga dili magpabiling kolorum ang mga nasampit.

Gikadugang pa niini nga kung kulang ang 9,000 nga prangkisa andam nga magdugang ang syudad.

Nasayran nga sa Hulyo 5,2023 ang hearing sa committee of the whole sa prangkisa sa tricycle.

Gipailawom sa committee of the whole ang maong hisgutanan gumikan nahimong mainiton ang diskusyon sa SP nga miresulta sa pagbasura sa unang gipasa nga sugyot balaodnon.