GENSAN-Gipatun-an ni Mayor Lorelie Geronimo Pacquaio ang posibilidad sa paghatag og fuel assistance o subsidy alang sa mga lehitimong drayber sa traysikol sa siyudad aron matabangan sila sa nagpadayon nga pagsaka sa presyo sa krudo.
Gisugo sa mayor ang opisina sa lokal nga panggamhanan sa pag tan-aw ug pagtuon sa posibleng pondo nga magamit alang sa maong programa.
Ang lakang gisugdan human sa Inter-Agency Price Coordination Meeting ug tungod sa epekto sa tensyon sa Middle East nga nakaapekto sa pangkalibutang presyo sa lana.
Sumala sa lokal nga gobyerno, tumong sa plano nga maminusan ang kabug-aton sa mga drayber sa traysikol ug malikayan ang dako nga epekto sa pamasahe sa mga pasahero.
Gihangyo usab sa mga opisyal ang publiko nga magpabiling updated pinaagi sa Facebook page sa Public Safety Office alang sa dugang nga pahibalo ug impormasyon.
