GENSAN- Gipaningkamotan ni City Mayor Lorelie Pacquiao nga matukod sa dali nga panahon ang Kolehiyo de Heneral sa dakbayan sa General Santos.
Matud pa sa mayor, bisan pa man nga dili pa matukod ang permanenteng school building, andam na sila nga magpatuman ug alternatibong paagi aron masugdan ang klase sa Hunyo 2026.
Gipahayag ni Mayor Pacquiao nga aduna na silay napili nga lugar alang sa temporaryong classrooms nga magamit sa mga unang estudyante sa kolehiyo samtang padayon ang konstruksyon sa maong pasilidad.
Dugang pa sa mayor, paspasan ang buhat sa mga inhenyero ug mga kontraktor aron masiguro nga sa pinakamaayong panahon, matuman ang damgo nga mapatukod ang maong institusyon sa edukasyon.
Tumong ni Mayor Pacquiao nga pinaagi sa Kolehiyo de Heneral, daghang kabatan-onan sa Gensan ang makapadayon sa ilang pag-eskwela nga libre ug makaangkon ug kalidad nga edukasyon, ilabi na kadtong mga estudyanteng dili maka-afford sa pribadong kolehiyo.
