-- ADVERTISEMENT --
Giduso ang mas bug-at nga silot batok sa mga ‘gub owneres’ nga mapamatud-ang nagpabaya sa pagtipig sa ilang mga baril.
Kini ang gisugyot atol sa diskusyon kalabot sa sunod-sunod nga pagpamusil sa mga eskwelahan sa Tacloban City, Zamboanga ug South Cotabato nga nalambigit ang mga armas nga gipanag-iya sa mga kawani sa gobyerno.
Matud ni Atty. Rodrigo Moreno, founding member ug president sa Gun Owners in Action o GOAC, igo na ang kasamtangang mga requirement ubos sa Republic Act 10591 alang sa luwas nga pagtipig sa armas, apan kinahanglan kini og husto nga pagpatuman.
Ubos sa maong balaod, gikinahanglan nga adunay lock bolt, safe o locked container ang rehistradong gun owner aron malikayan ang dili awtorisadong paggamit sa armas.
