Mitingog na si Mark Herras gikan sa pagpakahilom kabahin sa mga mikatag nga balita sa matod pa relasyon niini sa singer og negosyante nga si Jojo Mendrez.
Kini human mikatag sa social media ang video kung asa makita nga magkauban ang duha sa usa ka hotel og misunod niini nga gihatagan pa ni Mark og bulak si Jojo samtang kini ang naga-perform atubangan sa media.
May nakita usab sumala pa nga sulat ang staff sa hotel og nakabutang dinhi ang pagpakaluoy matod pa ni Jojo kang Mark nga kung mahimo, dili na kini musayaw sa gay bar.
Sa usa ka interbyu, sumala ni Mark nga kung dili maayong tan-awon sa uban ang ilang nakita, para kaniya walay dautan niini tungod gipadako siya og gay parents. Dugang pa niya nga dako ang respeto niya sa mga LGBTQ.
Samtang nagpasalamat usab si Mark sa tanang isyu bahin kaniya lakip na ang isyung misayaw siya sa usa ka gay bar kung asa daghan ang misaway apan wala na kini epekto kaniya.
Giangkon usab sa aktor nga nasayod tanan ang iyang asawa bahin niining tanan kung asa gisultihan niya nga dili mag-usik og oras sa pagbasa sa mga pagsaway batok kaniya.
