Nahimong parte pa ang aktres nga si Maris Racal sa bag-o nga version sa kanta nga “Kisapmata” nga gipagawas sa iyang ex-boyfriend nga si Rico Blanco.
Kini nga kanta ang popular na nga daan dihang gipagawas sa Rivermaya kaniadtong 1996 apan gi-release ang bag-o nga bersyon ni Rico sa nagkalain-lain nga music streaming platforms sa nakalabay nga Hulyo 19.
Sa official visualizer nga gi-release sa YouTube channel sa singer-wongwriter, gipasalamatan niini ang nahimong kabahin sa music og recording kun asa nalakip si Maris nga telecaster.
Ang ‘Kisapmata’ mao ang ikaduha nga gi-release ni Rico sukad sa upcoming album niini nga unod ang solo artist versions sa iyang “most loved creations.”
Una nga gipagawas kaniadtong Oktubre 2023 ang usa pa ka single nga “You’ll Be Safe Here.”
Kahinumduman nga nahimong unod sa mga topiko silang Maris og Rico sukad nga gikumpirma sa 26-anyos nga singer-actress niadtong Hulyo 12 nga nagbulag na sila sa 51-anyos nga veteran singer.
Mayo 2021 dihang nagsugod ang ilang relasyon human ang ilang kolaborasyon sa usa ka music single.
