GENERAL SANTOS CITY- Malampuson nga nakumpiska sa mga otoridad ang pito ka dagkong bricks sa suspected marijuana nga nagkantidad ug ₱840,000 atul sa interdiction operation nga gipahigayon sa parcel delivery hub sa Barangay Apopong, ning dakbayan nakalabay nga adlaw alas tres pasado sa hapon.
Gipangunahan sa Philippine Drug Enforcement Agency (PDEA) Region XII, ang operisyon kauban sa kapulisan ug Philippine Coast Guard Intelligence Group Southern Mindanao.
Bunga kini sa paningkamot sa nagpadayon nga anti-narcotics operation pinaagi sa koordinasyon sa mga courier service providers aron kapugngan ang smuggling sa mga kontrabando pinaagi sa mga parcels.
Pinaagi sa tabang sa PDEA Narcotic Detection Dogs nasimhutan ang tulo ka parcels nga may unod nga marijuana bricks. Usa ka package ang may unod nga lima ka bricks sa suspected marijuana samtang laing duha adunay tig usa ka brick.
Ang nakumpiska nga illegal drugs mitimbang ug pito ka kilos . Sumala kang PDEA Region XII Regional Director Benjamin Recites III nga nagpadayon ang imbestigasyon aron matultulan ug mailhan ang mudawat sa mga parcel.
Gipaklaro niini nga padayon nga ang interdiction operations aron mamintina ang hugot nga koordinasyon sa mga courier companies aron kapugngan ang pagpasulod sa mga illegal drugs sa rehiyon.
