GENERAL SANTOS CITY – Nagpabilin sa kustudiya sa General Santos City Police Office (GSCPO) ang asawa sa namatay nga lider sa Anzar Al Khilaffah Philippines nga si Muhammad Jafar Maguid human maaresto sa kapulisan.
Gibutyag ni Police Major Rissa Hernaiz, tigpamaba sa General Santos City Police Office nga alerto karon ang kapulisan human nasikop didto sa Kiamba, Sarangani Province si Marife Maguid nga may kaso sa pagsupak sa mga Illegal possession of highly explossives ug Comprehensive Dangerous Drugs act of 2002.
Gikadugang ni Hernaiz nga gironda kaniadto sa kapulisan ang balay ni Maguid apan nakaikyas samtang nakuha ang mga IED component ug mga sachet sa Illegal drugs.
Gikadugang pa sa opisyal nga bag-o lang migawas ang warrant of arrest ni Maguid human gikasuhan pinaagi sa regular filling.
Ang Anzar Khilafa Philippines usa ka ISIS inspired group nga nag operate sa Sarangani ug South Cotabato.
