GENERAL SANTOS CITY- Nakarekober na ang mananagat nga nabangalan human naanod samtang sakay sa guba niini nga pump boat.
Matud ni Goling Guillermo sa Jose Abad Santos nga usa sa mga residente sa Kaburan ang nakakita kang Rolly Wenceslao nga nag-utaw-utaw sa lawod.
Gikan matud pa sa Sigaboy Davao Oriental si Wenceslao nga mipalawod miaging gabii apan dihang pauli na unta gikan sa pagpanagat dihang gihapak sa dagkong balod ang iyang sakayan hinungdan nga naguba ug daw malunod samtang gitimoman samtang gapaanod.
Matud ni Guillermo nga nag-ampo matud pa si Wenceslao gikan gabii hangtud kini naluwas anang buntag.
Gikadugang pa ni Guillermo nga nakiglambigit na ang kapulisan sa Jose Abad Santos sa ilang counter part sa Sigaboy aron ipahibalo ang pamilya sa mananagat aron dili mabalaka sa iyang kahimtang.
