GENERAL SANTOS CITY -Wala matud pa nagustuhi ang iyang anak sa mga ginikanan sa boyfriend niini nga gituohan nilang hinungdan sa paghikog sa biktima.
Kini ang pahayag ni Alberto Matulac, amahan sa 27-anyos nga dalaga nga naghikog patay nga nailhan nga si Albrina Matulac kagahapon sa sayong kabuntagon.
Giangkon niini sa Bombo Radyo nga nakurat sa paghunos sa anak sa kinabuhi nga wala bisan kanus-a nagsulay sa paghikog.
Apan namatikdan sa panagway sa anak ang kaguol tungod sa paghikog sa uyab nga si John Paul CoBero niadtong Sabado sa kaadlawon.
Nagkuyog pa sila sa iyang anak nga miadto sa haya, apan gipili sa anak nga dili na musilip sa boyfriend og magpakita sa pamilya sa lalaki aron makalikay sa mga istorya ilabina ang inahan sa uyab nga wala siya nagustihi.
Sa pahayag sa amahan nga una silang miuli sa iyang kapuyo sa ilang balay, og pasado alas dies sa gabie, miuli ang anak.
Ug gani, tungod dili pa katulogon, nag-inom ug ilimnong makahubog. Samtang nag-inom, nahisgot sa anak sa kapuyo niini ang paghikog sa iyang uyab.
Apan gitambagan ang dalaga nga dili dibdibon ang nahitabo.
Apan dihang mipauli sa balay ang igsuon sa dalaga gikan sa internitan, nakaplagan na lang si Albrina nga may hikot nga pisi sa liog ug nagbitay na.
Nasayran nga si Albrina ang may usa ka anak na..
Samtang, gihingusgan ni Father Raul Valle, usa ka Diocesan priest nga sala og dili maayo ang pagkutlo sa kinabuhi.
Sumala pa ni Fr. Valle, ang kinabuhi sa tawo hinulaman lamang sa Diyos hinungdan nga ang kahitas-an lamang og dili ang tawo ang may katungod sa sagradong kinabuhi.
Sa iyang pamahayag, dili dayon angayang hukman ang gihimong paghikog sa mag-uyab nga silang Albrina Matulac og John Paul CoBero tungod siguradong adunay mga rason.
Apan, gikanayon ni Fr. Valle nga adunay dakong papel ang mga ginikanan sa ilang mga anak.
Lakip niini ang pagmatuto sa mga maayong ‘values, pati ang pagpasabot sa mga anak kung musulod sa usa ka relasyon.
Ug gani, mas maayong adunay matigayong panag-istorya tali sa mga ginikanan og mga anak.
Pinaagi niini, magiyahan sa mga ginikanan ang ilang mga anak sa mga butang nga gustong himuon
