Gianunsyo sa Presidential Communications Office (PCO) ang pagluwat sa pwesto ni Department of Trade and Industry (DTI) Secretary Fred Pascual.
Sumala sa PCO, ang resignation ni Pascual mahimong epektibo sa Agosto 2, 2024 kung asa gikanayong mobalik kini sa pribadong sektor.
Nasayran nga nakigpulong si Pangulong Ferdinand Marcos Jr. kang Secretary Pascual sa Palasyo sa Malakanyang nga dinhi personal nga gidawat sa presidente ang pagresign sa kalihim og giila ang iyang hilabihan ka importante nga serbisyo sa paggiya sa pagpabalik og transpormasyon sa ekonomiya sa Pilipinas.
Gibutyag usab ni Pangulong Marcos nga ang pagtutok ni Pascual sa MSMEs o gagmay nga negosyo ang husto og nagsugod na matod pa nga mabati ang bunga sa maong patakaran hinungdan nga nasubo siya sa pagluwat sa puwesto sa kalihim.
Nasayran nga gilayong magsugod ang pagpangita sa ihulip kang Pascual aron masiguro ang walay undang nga mapadayon ang mga inisyatibo sa maong departamento.
