Gidepensahan sa Malacañang ang Presidente human sa mga naangkon nga pagsaway sa kadaghanan tungod sa wala paghisgot niini sa State of the Nation Address (SONA) sa pagsumpo sa online gambling.
Sumala ni Palace Press Officer Claire Castro nga wala magdali ang Presidente tungod kay gitun-an niya pag-ayo ang sugyot sa hingpit nga pagdili sa online nga sugal.
Ang kita nga makuha sa gobyerno gikan sa mga lisensyado nga online nga mga site sa sugal dako kaayo nga tabang sa mga tao.
Si Castro nihatag og ehemplo sa pagdili ni kanhi Presidente Rodrigo Duterte sa online cockfighting apan milambo gihapon ang illegal online cockfighting sites.
Kahinumduman nga ubay-ubay na nga mga balaudnon ang nasang-at sa Senado ug daghang grupo lakip na ang simbahan ang nanawagan sa hingpit nga pagwagtang sa online gambling tungod kay daghang kinabuhi ang nangaguba tungod sa bisyo niini.
