-- ADVERTISEMENT --
GENERAL SANTOS CITY– Padayon ang imbestigasyon sa nahitabong sunog sa Purok Malipayon San Isidro Barangay Lagao niining dakbayan sa Heneral Santos.
Matud ni Fire Officer 3 Lester John Muñez sa General Santos City Fire Station, ilaha pang ginasuta kung unsa ang hinungdan sa pagkasunog sa balay nga hinungdan sa pagkamatay sa duha ka magtiayon nga pulos senior citizen na ug usa ang na-angol.
Nailhan ang mga biktima nga silang Aurora Damaso, 79 anyos ug David Damaso 76 anyos nga pulos residente sa nasangpit nga lugar.
Samtang giila usab ang na-angol nga si John Ray Damaso, hamtung ang pangidaron ug sa kasamtangan anaa sa balay tambalanan.
Ang nasampit, gisagop sa magtiayon.
-- ADVERTISEMENT --
