GENERAL SA NTOS CITY – Gikonsidera sa Philippine Drug Enforcement Agency (PDEA) 12 nga high-value target ang magtiayon nga ilang nadakpan sa buy bust operation nga gipahigayon sa Sampaguita St., Barangay Dadiangas East, ning dakbayan sa Heneral Santos tungod sa trabaho nila sa gobyerno.
Giila ang mga dinakpan nga silang Mark ug Analyn Tesaluna nga parehong job order employees sa City Agriculture Office ug residente sa Villa Consuelo Subd., Barangay City Heights.
Sumala sa PDEA-12, dugay nang gimonitor sa mga operatiba ang pagbaligya sa magtiayon og shabu butang nga pareho nilang gipanghimakak.
Positibo matud pa nga napalitan og usa ka sachet sa gituohang shabu ang magtiayon nga narekober gikan kanila ang tulo ka pakete sa shabu.
Ang mag-asawang Tesaluna mag-atubang sa kasong pagsupak sa RA 9165 o Dangerous Drugs Act of 2002.
