Pasado na sa ikatulo ug uwahing pagbasa sa Senado ang Senate Bill 2838 o ang Magna Carta of Barangay Health Workers (BHWs) sa botong 19 nga pabor ug walay supak.
Ilawom sa sugyot, gipanindot pa ang paghatag ug proteksyon ug benepisyo sa tanang mga BHWs sa tibuok nasud.
Apil sa mga key provisions sa sugyot ang paghatag ug dugang monthly honoraria, transportation allowance, subsistence allowance, hazard pay, insurance coverage, health emergency allowance sa panahon sa public health emergency, cash gift, one time service recognition incentive, education and career advancement ug libreng legal services.
Sakop sa maong mga benepisyo ang tanang volunteer registered ug certified BHWs sa tibuok nasud.
Gitumbok ni Senator JV Ejercito, may-akda sa sugyot sa Senado, nga angayan lamang nga maghiusa ang mga magbabalaod nga ilhon ang mga sakripisyo ug paningkamot sa mga barangay health workers nga maoy nahimong extension sa Department of Health (DOH) sa mga komunidad hilabina na niadtong panahon sa pandemya.
