GENERAL SANTOS CITY – Patong patong nga kaso ang atubangon sa mag-asawa nga nakuhaan ug bulto sa druga, daghang drug paraphernalia human masikop miaging adlaw sa kapulisan gamit ang warrant of arrest.
Ang mga sakop ni Police Major Carl Jayson Baynosa sa Makar Police station midakop sa nagpangalan ug Balong 43 anyos nga taga Glamang , Polomolok South Cotabato.
Gipahunong matud pa sa kapulisan ang sakyanan sa suspek sa Albert Morrow boulevard kanto Yusaville subdivision Sinawal ning syudad .
Nakuha gikan sa suspek ang usa ka airsoft rifle nga adunay replica magazine, usa ka large transparent cellophane nga may unod nga gikatahapang shabu nga may 990 grams nga may market value nga P6,732,000.00, drug paraphernalia, duha ka keypad celphone, cash, pitaka ug ID.
Giaresto usab ang nagpangalan ug Betty nga asawa sa suspek.
Giandam na sa kapulisan ang pagpasaka ug kaso batuk sa mga suspek sa paglapas sa section 11 ug 12 sa RA 9165 kon Comprehensive Dangerous Drugs act of 2002 ug paglapas sa RA 10591 kon Comprehensive Law on Firearms and Ammunition samtang ang mga dinakpan kustudiya sa Makar Police station.
