GENERAL SANTOS CITY – Nabilanggo karon ang mag-amahan human nga nagbaligya sa mga smuggled cigarettes gikan sa nasud Indonesia.
Gihimo ang entrapment operation sa Regional Special Operations Group 12 og General Santos City Police Office Special Operations Group sa balay sa mga suspek sa Purok 6, Lanton, Brgy. Apopong, GenSan.
Ang mga naaresto ang nailhan nga silang Amba Hadjiula, 58 anyos og anak niini nga si Albas Hadjiula, 27 anyos.
Nakumpiska sa mga otoridad ang 700 ka rims sa assorted cigarettes lakip ang Gudang Baru nga nagkantidad og P300,000.
Ang mga dinakpan ang mag-atubang og kasong pagsupak sa Republic Act 9135 o The Tariff and Customs Code of the Philippines.
Kahibaluan nga dinhi sa dakbayan ang katap ang pagbaligya sa mga sigarilyo gikan sa Indonesia.
