GENSAN– Palpak ang plano ug implementasyon sa Mabuhay Underpass Project dinhi sa dakbayan sa Gensan nga nahimong hinungdan sa dugay nga paghuman niini.
Dismayado si Kagawad Jeng Gacal sa dugay nga paghuman sa maong proyekto nga giimplementar sa Department of Public Works and Highways (DPWH).
Gibutyag sa nasampit nga opisyal nga gilauman unta nga matapos sa sulod lang sa usa o duha ka tuig ang maong proyekto, apan hangtod karon nagpabiling wala pa mahuman nga nakaapekto na sa lokal nga ekonomiya.
Gipasabot ni Kag. Gacal nga dili proyekto sa lokal nga pangagamhanan ang maong imprastruktura, kondili sa national government pinaagi sa DPWH.
Sa panahon nga siya pa ang City Administrator, gipatawag na niya ang DPWH aron masuta kung unsa ba ang matabang sa LGU aron lamang mapaspasan ang trabaho.
