GENSAN– Gisiguro nga ipagawas ngadto sa publiko ang findings sa Commission on Audit kon COA hangyo nga pag-audit sa 560-meters Mabuhay Underpass sa interseksyon sa Mabuhay-Bulaong Road at Digos-Makar Road.
Matod ni Lone District Representative Shirlyn Bañas-Nograles sa gipadalang sulat ngadto sa COA, gipaabot niya ang sitwasyon sa maong Multi-million pesos project nga wala pa gihapon mahuman sukad nga gisugdan niadtong June 2022.
Gipasalig sa kongresista nga aktibo ang iyang inspectorate team aron mamonitor ang proyekto.
Bisan sa mukabat sa ₱814.1 million nga katibuk-ang alokasyon, apan halos walay makita nga klarong progreso.
Base sa orihinal nga plano, target unta nga mahuman ang underpass niadtong Setyembre 2024, apan kini nasibog sa Disyembre 2025.
