Gibutyag ni kanhi Iloilo Mayor Jed Patrick Mabilog sa House Quad Committee ang planong akusahan nga nalambigit sa iligal nga droga silang kanhi Senators Mar Roxas og Franklin Drilon kaniadtong panahon sa Duterte administration.
Human ang pito ka tuig nga self-imposed exile sa Amerika, mitestigo kalabotan sa iyang giatubang nga political pressure human malakip sa narcolist ni kanhi Pangulong Rodrigo Duterte.
Kini tungod gipangutana ni Rep. Joseph Stephen Paduano si Mabilog kung mahimo niining matumbok ang mga opisyal nga ginapalambigit sa iligal nga droga.
Gitubag ni Mabilog nga kini mao silang Roxas og Drilon.
Nagtuo usab si Mabilog nga pulitika ang hinungdan nganong siya nalakip sa narco list o hit list.
Hugtanong gipanghimakak ni Mabilog nga nalambigit siya sa illegal drug trade ug wala bisan kanus-a nahimong protektor sa illegal drugs.
