GENERAL SANTOS CITY – Aduna nay bag-ong regional director ang Land Transportation Franchising Regulatory Board Region 12.
Kini human nga pormal nang milingkod kaniadtong adlaw’ng Lunes, nga naatol sa nationwide transport strike si retired Col. Paterno Renato Padua. Si Padua, ang kanhing Commander sa Joint Task Force(JTF) GenSan.
Nasayran nga mitambong sa pagpanumpa ni retired Col. Padua ang mismong Chairman sa LTFRB nga si Assistant secretary Martin Delgra III.
Gipasalig ni retired Col. Padua nga himuon ang tanang makaya aron matuman ang matching order sa presidente nga mahimong luwas sa korapsyon og tutukan ang kolorum sa LTFRB 12.
Nasayran nga hatagan ug P80 Million nga pondo ang bag-ong Regional Director aron mangita og bag-ong lugar alang sa pasilidad og impounding area.
Idungan usab ang modernisasyon sa LTFRB 12 aron mahimong online og centralized na ang transakyonn sa ahensiya..
