GENERAL SANTOS CITY – Nakaapekto sa mga hog raisers ang kanunay nga pag-import sa gobyerno og baboy gikan sa ubang nasud.
Matud ni Dr. Efraim Marin sa South Cotabato Swine Producers Association kon SOCOSPA, dili makaapas ang local producers kung pag-produce og baboy ang hisgutan tungod mahal ang galastuhon sa pagbuhi og mga baboy itandi sa imported nga baboy nga sobra ka barato.
Gani, daghang mga tindahan sa South Cotabato ang nagbaligya og imported nga baboy.
Tungod niini daghang local hog growers sa probinsya ang nawad-an og gana sa pagbuhi og mga baboy tungod lahi ang gusto sa gobyerno sa pagkakaron nga mag-import na lang og baboy nga nakaapekto pagmaayo sa mga nasampit.
Ang maayo unta nga himuon sa gobyerno sumala ni Dr. Marin nga tabangan sa gobyerno ang mga local farmers sa nasud.
