GENERAL SANTOS CITY – Dakong pasalamat ug kalipay sa mga tricycle drivers gumikan mahuman na sa Hunyo 15 ning tuiga ang programang libreng sakay sa LTFRB-12 ug Department of Transportation kini ang gikumpirma ni Robert Kang ang labaw sa Public Transport Alliance of Gensan kon PTAG.
Sumala kaniya nga ang maong programang libreng sakay pagahumanon na karong bulana gumikan hurot na ang pondo.
Ang amng programa adunay hatod nga kaayuhan sa kadaghanan hilabi na sa mga trabahante ug studyante apan dili usab malikayan nga may mga dili uyon niini sama sa mga tricycle drivers nga labing naapektuhan ang ilang panginabuhian kung asa sumala kanila nga miabot na sa puntong maglisod na sila ug palit ug usa ka kilo nga bugas sa usa ka adlaw tungod sa hinay nga kita sa ilang pasada.
Kahibaluan nga daghan ang nag iluga aron nga makaapil sa libreng sakay program tungod buot makatipid sa pamasahe busa nahimo kining kalbaryo ug dakong babag sa mga tricycle drivers aron nga makakuha ug daghang pasahero.
Dakong pasalamat sa mga nasampit tungod sa pagtapos sa maong program sa umaabot nga hunyo 15 , mubalik na matud ang kanhing dagan sa pagpamasada ug dako usab kini nga tabang gumikan padayon gihapon karon ga nakasinati ug pagtaas sa petrolyo tungod sa padayon nga gubot sa Russia ug Ukraine.
