GENERAL SANTOS CITY – May kahadlok pa ang mga kababainhan ug kabataan sa nahitabo nga encounter nga nagresulta sa pagkamatay sa upat ka sakop sa Dawlah Islamiyah hinungdan nga mihikling sa barangay gymnasium sa Lumakil, Polomolok South Cotabato.
Gani gikatakda nga magpahigayon ug re-assestment ang LGU Polomolok aron makahinabi ni Mayor Honey Matti ang mga residente human ang maduguong panghitabo .
Matud sa mga residente nga nahadlok nga mubalik pag-usab sa lugar ang kapulisan nga padayon nga gitarget ang mga nakaikyas nga mga gipangita sa balaud.
Una nga gikumpirma sa kapitan sa lugar nga gibati ug trauma ang mga residente human ang operasyon sa kapulisan nga nagresulta sa pinusilay hinungdan upat ang namatay.
Gikadugang usab sa opisyal nga ila nang giestorya ang nahisgutang mga residente nga mubalik sa ilang pinuy-anan tungod walay angayan nga kahadlukan sa pagsulod sa kapulisan nga gustong dakpon ang pipila ka sakop sa lokal terrorist group nga kaanib sa grupong ISIS.
