GENERAL SANTOS CITY – Gihan-ay na sa syudad ang mga paagi sa pagtunol ug hinabang sa mga mag-uuma nga apektado sa hulaw.
Kini human gibutyag ni Gensan Mayor Lorelie Pacquiao nga gihipos na ni City Agri Merlinda Donasco ang ihap sa mga apektadong mag-uuma nga angay makadawat ug pinansyal nga tabang.
Matud sa Mayor nga managlahi nga interbensyon ang himuon sa syudad. Una, mao ang pagtunol ug ayuda sa mga mag-uuma pinaagi sa P20M nga budget nga bag-uhay lamang giaprubahan sa Konseho ning syudad.
Samtang ang ikaduha, mao ang pagpangayo ug tabang ngadto sa Senado nga matud sa Mayor nga positibo ang tubag sa usa sa ilang giduolan.
Gikadugang usab sa Mayor nga dili sayon alang sa syudad ang pagdeklara ug state of calamity kini tungod adunay guidelines nga ginasunod.
